梅啟明生腫瘤　梅媽自身難保：點顧佢

已故巨星梅艷芳之母覃美金（梅媽）上周被業主成功收回跑馬地住所後一直住院，《東網》記者約下午三時半左右到醫院探望梅媽，她表示剛才獲醫院批准和在傭人的陪同下外出，但就因身體不適而未有回到跑馬地的住所收拾東西：「左腳好痛，左邊膝頭腫咗！（有冇做物理治療？）有，做完嗰陣有好啲，但兩、三個鐘之後又痛。」

梅媽又透露長子梅啟明剛曾前來探望，問到是否知道啟明的身體狀況？梅媽說：「自己都顧唔到自己，點顧佢，知佢睇咗醫生。（知唔知佢大腸有腫瘤？）知佢做咗手術，要覆診，但唔知點。（好擔心？）唉，我擔心唔嚟，自己都得番半條人命！」

梅媽稱數日來都沒有胃口進食，又叫記者將手放在她的額頭上，看她是否有發燒，之後表示需要休息，請記者離去，並透露明天將會到跑馬地住所收拾物件。