側田孖「韓」妹台北搵食　有講有笑

歌手側田自去年與韓籍女友分手後，感情生活一直成謎，但他似乎對「韓系」長髮姑娘情有獨鍾。日前側田現身台北著名的饒河街夜市掃小食，身邊出現一位樣貌清秀，有「韓系」氣質的長髮姑娘，全程跟到實一實。

一如以往，側田戴上招牌Cap帽，在旁的長髮女伴亦只略施脂粉，打扮Casual。現場所見，側田對女伴呵護備至，又不時講笑氹對方開心，似乎相識已久，二人全程以普通話交談，你一言我一語，相當有默契。

其後二人經過一家小食店時，側田即問女伴想吃甚麼，見女伴手指指篤向餐牌，側田已心領神會，由他發辦向店員點菜，知道女伴嗜辣，即叫店員加辣，相當體貼。《東網》事後致電側田，對於在台北被拍得身邊出現女伴，他說：「我喺台灣見咗好多朋友，冇乜特別！」