四變三!三變五!As One兩新成員曝光

20150417
東網電視
更多新聞短片
As One宣布加入兩名新成員!

組合As One現身電台舉行加入兩位新成員的發布會,兩位新成員陳嘉茵及蘇皓兒(Chloe)首次公開亮相,但成員Elfa就因病缺席。

受訪時,隊長Shin及Nata表示對兩位新加入的師妹大感滿意,而且形象及跳舞風格都和組合非常配合,更大讚兩人:「Chloe好可愛好靚,又識彈結他!嘉茵就好勁,唱歌跳舞都好有實力!」問到可會怕因有新成員加入而分薄了酬勞?Nata笑言:「點會,加多啲人係好嘅,一齊共榮華富貴!」稍後五女將到韓國接受個多月的集訓,她們坦言希望可以增進感情。

問到對組合有甚麼期望時,兩位新成員都表現怕醜,Chloe表示:「本身都好鍾意As One,可以同佢哋一齊好開心!」嘉茵謂:「好想快啲一齊跳舞同集訓,好想好團結咁去做一樣嘢!」談到兩人進行篩選時,都要過五關斬六將,原來兩人在過程中都需要在街頭跳舞,跟人群作近距離接觸,而且在電台節目內清唱。問到Shin同Nata有咩貼士給予師妹,Nata說:「開心自然做咩都好啲,enjoy啦,盡情跳舞!」而Shin就指雖然自己不笑時可能好惡,但其實自己好易相處。