黃心美強調心穎同思捷冇可能!

20150421
東網電視
更多新聞短片
黃心美斬釘截鐵話妹妹心穎(右上)同思捷(右下)冇可能!
演員黃心穎家姐黃心美(Scarlett)出席now101台生活品咪節目《Apostrophe》開鏡活動,身為主持之一的Scarlett透露欲於節目內談樓盤,因一直有留意樓宇市場,現時物業與母親夾份買入,並與妹妹心穎同住,故欲再置業做包租婆,問到為何不與妹妹夾份投資, Scarlett笑指妹妹把支出用在置裝及養車身上。
指妹妹男仔頭性格
與心穎感情要好的她,表示雙方也有談心事,對於心穎與李思捷傳緋聞,她斬釘截鐵謂:「得啖笑,冇可能,阿妹都話冇上過思捷屋企。(妹妹好多緋聞)唔知點解,佢多事之秋,得罪咗人啩。(妹妹成日畀人用姣呢啲字眼形容)其實佢男仔頭性格,不過佢冇嘢,當初選美時都身經百戰啦,反而Daddy就打嚟問係咪真(緋聞)。(Daddy想個妹快啲嫁?)阿妹事業心太強,唔會啦。」而已回復單身的Scarlett,則表示離婚手續尚未辦妥,故未準備迎接新戀情。