誤踩阿姐裙腳 鍾嘉欣嚇到即刻踎低

20150421
東網電視
更多新聞短片
呢個意外夠晒罕見,相信嘉欣BB亦因而嚇破膽。

女神鍾嘉欣出席無綫劇集《華麗轉身》宣傳活動,由於成劇演員都當汪明荃阿姐如珠如寶,所以鍾嘉欣就扶實阿姐出場,點知出場時已經論論盡盡嘅嘉欣,準備同阿姐各就各位嗰陣,竟然發生罕見意外,就係踩住咗阿姐嘅裙腳,雖然阿姐當時都仲係笑晒口,但嘉欣已經表現得好慌張,即時踎低幫阿姐整理裙襬,場面既搞笑又尷尬。阿姐之後拍照,亦有不時望一望裙腳,似乎驚啲裙有所「損傷」。

拒回應感情事

嘉欣受訪時透露之後會到橫店拍攝劇集《哪吒》,坦言很緊張!提到買股票,她坦言自己沒有買,並笑言會向方力申請教,不過方力申聞言就表示:「股票唔使識,買冧巴之嘛!買嚟睇㗎咋!」對於有指她與伍允龍分手及箍煲成功等傳聞,嘉欣則表示不作回應。