王敏明設靈　胞弟王維德：家姐好錫我

月初因淋巴癌復發引發併發症在法國醫院逝世的前無綫藝人王敏明，其胞弟王維德於姊姊喪禮上接受訪問，他說：「呢幾日嘅心情好番啲，最初時接受唔到，睇住家姐走，佢好辛苦，我同姊夫一人拖住佢一隻手，佢見晒屋企人就好放心、好安心，之前佢撐得好辛苦，我見佢走都冇嗌佢，佢安心平安上天家。頭幾日接受唔到，瞓唔到。我哋四弟兄姊妹未結婚前一直一齊住，我同二家姐特別好感情，多啲話題，喺進修班一齊學習、玩，近年我工作喺唱歌、跳舞同演戲上同家姐都有共同話題。佢好錫我同我家人，我哋無所不談，佢咁後生走咗我好難接受，原來心痛真係好痛、好難接受。」