林家棟向張雪芹道歉：新演員係需要保護

藝人林家棟於跑馬地出席杜琪峯導演生日會，對於早前於金像獎擔任司儀備受批評？家棟坦言感到不快：「都有啲唔開心，希望佢（張雪芹）唔好介意，都想同佢SAY SORRY，只係想搞氣氛，我都同意新演員係需要保護。」

戥陳小春心痛

談到同樣擔任司儀的陳小春亦受到抨擊，家棟則說：「佢都好辛苦，我都戥佢心痛，因為佢兩邊走，又要綵排，好趕，其實佢做咗好多嘢大家都唔知，我有同佢講支持佢，幫佢加油。（再做司儀有壓力？）今年嘅方式有啲人可能唔太接受，其實都係想當大家庭咁玩下，我哋都有拎導演名同戲名嚟玩。」