網民熱話：寸智孝發音？感覺變「港覺」

台灣歌手吳克羣同韓國人氣女星宋智孝合唱歌曲《你好可愛》，智孝本身唔擅長唱歌，仲成日畀其他Running Man成員取笑為「音痴」，今次仲「未學行先學走」，挑戰用唱中文歌，不過可愛搭夠，一樣令一眾粉絲失晒暈。首歌嘅MV公開咗只係短短幾日就已經有超過100萬人觀看，唔少人都話係衝住要睇女神智孝嘅萌樣而Click入個MV！

果然，個MV冇令網友失望，智孝喺MV入面不斷賣萌，大Sell可愛，Sweet到爆！原本網友以為智孝只係會唱一兩句簡單中文交吓貨就算，點知原來佢嘅中文歌詞都幾多，仲有「箴言」呢個咁深嘅詞語添。網友聽完之後，都不禁大讚智孝唱得好，不愧為Running Man嘅王牌，仲叫佢唱多幾首呀！

雖然智孝已經好努力咁唱中文，始終唔係母語，發音都係唔太標準，有人仲講笑咁話唱得最正就係「Neo gwi yeop da（韓文：你好可愛）」呢句。而官方歌詞亦疑似惡搞佢嘅發音，有「難道他也和我有相同港覺」呢一句！講吓廣東話嘅大家試吓用國語「港覺」，就會知個答案係「感覺」！網友見到歌詞咁寫都嚇咗一大跳，問究竟智孝知唔知自己畀人咁整蠱法！不過，都有可能係唔小心寫錯嘅。

網民有話兒：

hxxx45xx41：拍桌拍桌拍桌!!!懵智再來個幾首歌吧!!好可愛

Kxx N Chxxx：我看到"港覺"，MV的歌詞在惡搞懵智不太準的國語嗎...

蘇x：我們智孝不是音癡嗎xD怎麼現在唱的這麼好

Mxfxx：真的好可愛阿這首歌www尤其是宋智孝onni 講中文敲可愛的！！！！吳克羣講韓文也好適合xD

王xx：說不定之後哪集的running man，gary就對智孝唱這首歌~~>w<