狄易達孖同事去日本　唔預女友吳亞馨？

歌手狄易達出席科技活動，透露不時會跟家人視像通話。問到可有跟台灣女星女友吳亞馨視像通話？他笑言跟好多人都有：「係一個好好嘅渠道同遠處嘅親人或朋友建立關係。（方便啲？）都係，同埋平啲，依家網絡又咁好，係幾好嘅事。（慳番去台灣嘅錢？）咁又唔得，唔可以永遠視像。」

談到女友，他即扯開話題指後日會到日本學跳舞兼參加跳舞比賽，但女友則不會同行：「年頭講過今年想請跳舞學校啲同事去日本，今次終於實現到，好開心。除咗一齊旅行，都會去學新舞蹈，希望有新感覺。（會用幾多錢？）今次精打細算，上次AA制，大家夾埋用咗六位數，今次就五位數，七個人去，用五、六萬蚊度，都係第一次上網鬥快撳機票，原來真係可以咁平，咁大家慳咗啲錢，就可以學多啲舞蹈，住嗰度每人每晚都係兩百幾蚊度。」