同簡淑兒嘴對嘴　張致恒驚到硬晒軚

藝人陳慧珊（Flora）、張致恒（Steven）與落選港姐簡淑兒（Jessica）於酒店泳池為新劇《波士早晨》拍攝外景，戲情講述不諳水性的Steven，為Jessica執回跌落泳池的公仔遇溺，要Jessica跳落水營救，並為Steven進行心外壓及大送「肉嘴」作人工呼吸。而首次拍劇的Jessica，全程表現相當緊張，更要Steven教她走位。

而拍攝完落水戲的Steven，上岸後不停顫抖，當被指今次艷福無邊時，他即反駁謂：「艷乜鬼嘢福呀！我都唔知幾凍，個身係咁震，不過拍呢場戲都同女友（莊瑞兒）備案，佢睇晒我所有劇本，我都有叫女友唔好怪我，自己拍時會盡量唔郁。」問到女友是否很嚴時，他又謂：「唔係，都係想另一半安心，畀番信心佢。」

問到於劇中跟Jessica有沒有親熱戲？Steven笑言：「都好多打鬧戲份，有一場講我女朋友畀人追，仲要爆樽，隻手受傷。（現實中女友畀人追會否出手？）唔會，但會唔開心，咁一日未結婚都唔可以阻人追佢，如果結咗婚我就真係出手嘞！」

與陳慧珊有講有笑

早前被爆怒掟劇本的Flora，現場面對兩位後輩連番NG卻絲毫未感不耐煩，更主動手口並用提點新人；等待Roll機期間，三人亦有講有笑。不過，當傳媒邀請Flora做訪問時，她卻禮貌地婉拒，並指不回應私人事。