鄧穎芝寸爆舊愛：要檢點啲

歌手鄧穎芝正在韓國度假，日前剛欣賞完韓國天團Big Bang演唱會的她，在長途電話被問到前男友林師傑被拍得跟緋聞女友歐陽巧瑩到酒店幽會，她哈哈笑說：「唔關我事，有乜好回應喎，不過佢都畀人影過好多次啦，我都講過『若要人不知唔好太低B』，如果嗰個女仔真係佢女朋友都好正常啫。（林師傑冇承認戀情喎。）佢怕影響事業啫，不過我覺得做藝人，或做新人，不如畀心機做嘢啦，唔好搞咁多負面新聞，要檢點啲，我祝佢前途似錦。」問她可覺得早跟林師傑分手是好事？鄧穎芝話：「覺得依家單身好開心囉。」

何雁詩唔想做「八婆」

曾跟林師傑傳緋聞，現又是歐陽巧瑩好友的何雁詩，她在電話中驚訝問：「唔會啩？大家都有屋企，我希望唔係真啦，因為對男仔、女仔事業都有影響。」問她可會向好友八卦緋聞？她自言不想做「八婆」，所以不會追問，現時她跟林師傑各有各忙，很少聯絡。

吳業坤冇畀林師傑「鹹濕」

歌手吳業坤和林師傑同是「巨聲幫」出身，他在電話中被林師傑跟緋聞女友歐陽巧瑩在酒店幽會，他表現愕然頻問：「係真唔係呀？」他自稱跟林師傑只談音樂，不談私事，問可覺得事件對好友形象有影響？他認為藝人也有正常社交生活，笑問他可覺得林師傑「鹹濕」？吳業坤謂：「我唔知喎，因為我係男仔，佢冇『鹹濕』我喎。」

何哲圖：正常交往

林師傑唱片公司CEO何哲圖在電話訪問中謂：「佢哋應該係朋友啫，兩個都未結婚，正常交往。（林師傑話唔公開戀情係怕公司『雪藏』？）佢擔心啫，公司唔會干涉歌手私人事。（使唔使『照肺』？）唔使，佢嚟緊會照做新歌。」何哲圖更為林師傑講好話，望傳媒手下留情。