媽咪再婚兼有喜　陳嘉桓期待細佬出世

藝人陳嘉桓（Rose）、黎耀祥、鍾景輝等出席舞台劇頒獎禮，擔任頒獎嘉賓的Rose，穿上背心透視裙，施展「黑Bra誘惑」。她表示未曾參與過舞台劇，故今次特意向前輩偷師，問可會自薦演出？她說：「之前做過一套講援交嘅戲，聽講會開舞台劇版，但未落實。」問可介意在舞台公然上演激情戲碼？她說：「慢慢傾。（半裸演出？）睇戲份啦。」

對於有傳38歲媽咪陳瑰霖懷有繼父骨肉，Rose直認好期待：「媽咪係有咗BB，五個月大，依家好健康。我本身有個細我兩年嘅細佬，依家有個細我20幾年嘅細佬喇！媽咪預產期係暑假，身邊好多朋友都有BB，嗰啲係契仔女。」她又承認媽咪與繼父已正式註冊，現在更不時為腹大便便的媽媽擔當「柴可夫」管接管送。