激罕！Baby噴血寫真　爆乳晒長腿

女神Angelababy自從畀男神黃曉明私有化同無再推出寫真後，基本上都好難見到佢性感一面。不過凡事都有例外，Baby呢日幫中國版《GQ》拍攝寫真，噴血程度極高，除咗大晒修長美腿，瞓喺床上面拋胸嘅Baby，仲要個眼神極度誘人，見到真係好難唔流鼻血。

細個成日打交

雖然Baby擁有天使面孔、魔鬼嘅Body，但其實睇過《奔跑吧　兄弟》嘅朋友，都知道Baby其實好鬼男仔頭，玩起遊戲上嚟唔係人咁笨。Baby接受《GQ》訪問時，亦不斷大爆自己細個嗰陣係幾咁男仔頭：「我幾乎就是個男孩子，留着短髮，在家跟哥哥弟弟打架，在學校就跟男生打架，跟我媽出門逛街都會被誇『你家兒子長得真帥』。」佢又話細細個已經好鍾意訓練手臂肌肉：「我特別羨慕那時候的男孩兒手背、手臂上有暴起的青筋，於是小時候家裏每次要買西瓜，我都會自告奮勇地去，然後一個人拎着兩個西瓜走一路回家。」

心情大靚嘅Baby，仲大爆男友廚藝好：「好吃啊，他會做私家炸醬麵。」