羅鈞滿唔認溝女　堅稱獲女友信任

藝員羅鈞滿與無綫新聞主播張文采拍拖四年，但近日他被影到在尖沙咀夜場背女友連獵兩女，狀甚親熱。羅鈞滿在將軍澳電視城為《勁歌金曲》錄影，他受訪時表示：「嗰度其實唔係酒吧，只係一間餐廳，同同事食飯咁啱撞到以前讀書嘅師弟，嗰兩個女仔係師弟嘅女朋友。（玩到好熱情？）冇，我雙手插喺袋架。（女友張文采詐型？）冇，佢好信任我。（女友吃醋？）唔會吃醋，佢知道相片好多時只係事實一部份，自己都好少去蒲。」

有段時間沒有拍劇的羅鈞滿透露下月再開劇，還會拍攝節目《搵食飯團》，問到工作量增加是否較為安心？他說：「都會，最好梗係日日都好忙好多工作啦，公司都畀好多機會我，除咗拍劇、唱歌，仲做司儀多方面發展。」