譚淇淇做個靚靚炸雞妹

Rapper譚淇淇（KiKi）半年前同屋企人一齊喺佐敦開咗間韓式炸雞店，同「雞排妹」fight過！舖頭係半開放形式，室內同室外都有座位，KiKi表示：「好多人都鍾意坐喺出面，一邊飲啤酒，一邊傾計食炸雞！別有一番風味！」

由於靠近旺區，店舖營業時間亦比較長，KiKi說：「我哋開到夜晚11點幾先收！因為我成日要做嘢，主要都係爹哋同媽咪睇舖！但我一有時間，都會落嚟做店員！」食物方面，KiKi話自己用咗好多時間研究，試食咗好多次，佢話：「同其他炸雞店比，我哋嘅雞唔會咁油，味道比較符合香港人口味！同埋我哋用嘅泡菜都係自己新鮮整，可以無限任食！」由於生意唔錯，KiKi仲打算今個夏天就會再開分店，依家已經積極準備中。