離巢即大解放！何傲兒晒比堅尼照

港姐出身嘅藝人何傲兒，早前公布同無綫會喺五月初約滿，劇集《波士早晨》就成為佢嘅告別作。劇中佢仲不惜犧牲「色相」，出演一名爆牙兼皮膚差嘅醜女！

本來人靚身材正嘅何傲兒，近日就趁住工作空檔，好似打咗還原靚靚拳一樣，即刻做返自己，仲飛到去馬來西亞旅行兼歎世界，實行大解放！！今日佢喺微博大晒自己度假嘅相，向一班網民大派福利，着上比堅尼泳衣嘅佢喺泳池邊擺甫影靚相，自信騷出34C上圍兼小蠻腰，並留言透露：「馬來亞春色綠野景緻艷雅，這裡天氣真好！減肥終於有點成果了！」