陳凱琳受嘉穎溝 改Status認愛!

20150509
東網電視
更多新聞短片
陳凱琳受嘉穎溝,改Status認愛!
上月《好報》率先披露23歲女神陳凱琳(Grace)與45歲男神鄭嘉穎暗撻,女方更親自入宮借碟,兩人於異國拍《殭》劇外景,近兩星期朝夕相對,感情發展一日千里!有愛情滋潤的Grace更速改Instagram的Status為「placing my life in faith and love(在我的生命浸淫於信念與愛之中)」,冧爆認證「穎琳戀」邁進一大步。她接受《東網》電話訪問時終開口認嘉穎地位,承認有好感,更揚言對自己的愛情握主權:「現階段仲係朋友。(佢依家追緊你?)係,想再認識耐啲!(屋企人有咩反應?)冇講咩,但知道有呢單新聞,主權喺我度。(會畀嘉穎幾多分?)唔識畀,從來都唔會畀分人。」問到她在荷蘭的開心事,她即扯開話題:「好開心識到陳嘉寶同賴慰玲,大家同年紀好啱Key!」
漏口風認愛
而陳凱琳接受《東網》訪問認「愛」後,春風滿面的她出席慧妍雅集慈善晚宴時亦不小心爆響口認拍拖ing:「係呀!依家開始,認識當中,喺荷蘭拍完劇之後更加了解佢為人,佢對身邊人都好,例如羅蘭姐班前輩。(對你呢?)好肯教我哋呢班新人,例如陸永同 Anjaylia(陳嘉寶)。」而當記者恭喜她時,Grace即轉口風指:「依家開始,意思係指開始做訪問。」
對於嘉穎表示兩人如出外行街及睇戲希望外界不要太驚訝,Grace即「夫唱婦隨」:「係咯!大家唔好驚訝。(如果佢約你單獨去街?你會唔會去?)拍劇都好忙,遲啲又要返加拿大,加上啱啱喺荷蘭返嚟,睇吓有冇時間約出嚟見吓!」
嘉穎認投契 望給予空間
而Dry足4年的嘉穎對「穎琳戀」亦從未表態否認,一反以往「打死唔認」的常態,又多次公開表示想盡快做老襯。他接受電話訪問時終於開腔認「愛」:「的確好投契,好多話題,依家都仲係朋友!不過我都唔細喇,大家畀啲空間我啦!」擺明認定Grace為終身伴侶,公開戀情都只是時機問題!
這對男神女神配成功衝破年齡差距,網民都紛紛在微博為兩人送上祝福,更有網民替嘉穎高興:「Grace很靚,要幸福啊!」