毛舜筠壓力大曾有輕生念頭

演員毛舜筠（毛毛）在電台錄音訪問中，自爆小女兒當年曾患上豬流感，令她非常擔心，因當時她正忙於拍劇《畢打自己人》，責任心重的她逼自己拍完當日的戲份才離開，毛毛說：「嗰次係我第一次唔能夠一氣呵成嘅一場戲。」毛毛表示在拍劇過程中，她希望能夠說服自己當個專業演員，能夠全心投入角色中，不要擔心女兒，但事實上當時承受着很大的壓力，她說：「自己曾經諗過自殺，打算從廿一樓住所跳落去，但一諗到個女就即刻打消念頭。」

毛毛表示當媽媽這麼多年來，曾經做過一次最錯的事，就是在女兒３歲前仍會有體罰，令女兒十多年後仍然記着，毛毛說：「個女覺得我打佢，令佢受到好大嘅傷害。，當時我無法接受女兒說嘅話，覺得個女唔明白自己，覺得好傷心，但後來慢慢理解，明白到女兒嘅心真係受咗傷，覺得好抱歉，所以當個女第二次提起呢件事時候，我就主動同個女講對唔住。」