《火玫瑰》惹煲劇潮　溫碧霞靠海潮長食長有

女星溫碧霞（Irene）北上賺人仔，擔任剪綵嘉賓，她以一身白色露肩長裙現身，盡顯優雅，並即席獻唱多首歌曲，現場氣氛熱烈。

提到神劇《大時代》掀起翻煲經典劇熱潮，而由Irene主演的《火玫瑰》亦被評選為最想翻煲經典劇之一。Irene在劇中飾演「海潮」一角，經典角色深入民心，在中、港、台歷久不衰，談起這部作品，她笑說：「真係好感恩拍咗部好劇，更加多謝大陸電視台不斷重播，一個地方播完又到另一個地方，播足咁多年，最感謝大家都好鍾意『海潮』，到依家每次去大陸演出，大家都嗌我『海潮』，哈哈，每次聽到呢個名，都好親切。」

問希望在香港重播《火玫瑰》？Irene說：「我都好鍾意呢部劇，好多年冇睇過喇，我都想睇番。」