徐若瑄同家姐撞樣　真係分唔到......

台灣女星徐若瑄（Vivian）年屆40歲，但喺佢身上完全睇唔出任何歲月痕跡，可算係「不老女神」！而懷孕中嘅佢，日前因臥床安胎而唔方便洗頭，因此狠心剪走長髮，以清爽短髮Look示人。

Vivian今日喺Facebook上，分享姐姐徐佩瑜剪短髮嘅相，又開玩笑表示：「大姊也剪短了！好美！她若知道我又Po她、一定會追殺我！還好我住在新加坡，想起以前我的那首歌《姊，妳睡了嗎》。逃……」而最令人驚訝嘅係，姐姐同Vivian生得成個餅印咁，同樣美麗，極具氣質，令人不禁驚嘆佢哋不愧為「女神家族」。有人留言大讚：「大姐說實話比較漂亮」、「這是你妹吧」、「有一點像趙薇」