獲仔仔趙式正撐場　趙世曾自嘲球技唔Fit

城中名人趙世曾為自己公司旗下籃球隊出賽，身穿「8」號白色球衣上陣，在整場比賽中也表現得非常積極，不時落力進攻兼且充當領袖角色，球隊最終獲得亞軍。

趙生表示自己打了十多年籃球，故特意成立籃球隊，在空餘時間可與波友們切磋：「籃球成立咗大約半年，成日都會去比賽，每個星期都會打兩日，因為運動量多同一班人開心吓。（女友們平時有冇撐你埸？）今日比較忙，間中都會嚟。（點睇自己今日表現？）唔算最Fit！」

而鮮有出席公開場合的兒子趙式正（Roman）亦特意現身支持，更一直坐在觀看席欣賞，努力為父親及球隊打氣拍掌，期間趙生不時主動介紹Roman給在場人士認識。問到可有與兒子一同打籃球？趙生表示：「佢比較鍾意健身同打泰拳，自己都有鼓勵佢打，最近佢放暑假所以喺我屋企住。（佢依家喺外國讀書？）唔係，喺香港讀，今年佢都二十一歲。（Roman有冇興趣去公司幫手？）到時再算！（咁佢開始拍拖未？）未正式拍拖。」而在旁的Roman看似頗為怕醜，但仍禮貌地表示現時就讀城市大學二年級，主俢商業。