林欣彤否認有整容

歌手林欣彤（Mag）接受訪問，講到初入行時有包包面，但現時卻變得V臉，她否認整容：「嗰陣真係好肥，入行第一年跟住曾志偉拍電影，成日半夜三更仲喺到打邊爐，除咗嗰排咁肥之外，之後就一直瘦，因為我病，慢慢成個人瘦到係好恐怖，但依家想要番飽滿嘅面就要唔番，雖然包包面喺某一個審美角度嚟講係冇咁靚、輪廓冇咁出，但嗰個我望落去係最開心，雖然依家我都好開心。好多人都問過我整容嘅嘢，所以大家見到我可以揈吓我個鼻，當然要得到我批准。（接唔接受到整容？）如果我做過，照鏡望到自己我會嘔，接受唔到整容，覺得好痛。（如果另一半整呢？）如果佢真係整都冇計o架，佢整咗我都鍾意冇辦法架喎，但如果佢係識咗我先至想整就梗係唔好啦。」