拍劇演情侶　金剛警告高Ling唔准「爆衫」

藝人高海寧（高Ling）及金剛等於電視城，為無綫新劇《愛情食物鏈》試造型。谷胸晒線亮相的高Ling自爆於劇中將分別與金剛及陳智燊等談情。問到她會否與金剛上演床戲？身旁的金剛即搶答：「應該冇咁重口味！」而高Ling表示會以百變造型示人：「劇入面唔會太性感，我會做賣魚妹，但同陳智燊出街就會着到好靚！」

金剛唔信自己做男主角

談到金剛笑言於劇中高攀高Ling，問到他會否介意被標籤為質素低下的男士？首任男主角的金剛爆笑自認靚仔：「冇所謂，自己覺得靚仔就夠！（首次做男主角？）我都唔相信！（你將「啫神」之名畀咗陳智燊？）虛名嚟嘅！」

唔使同蕊蕊報告

問到高Ling與金剛拍劇會否擔心笑場？她笑言要求對方不要爆肚演出，否則擔心會爆笑收場。而金剛則搞笑警告高Ling不准「爆衫」：「咁你唔好爆衫，我哋會頂唔住！」提到金剛會否擔心女友蕊蕊呷醋？他笑說：「唔驚！做嘢使咩報告，我哋呢套唔係動作片嚟架！」