邵音音自爆曾拒絕同馮寶寶合作

藝人馮寶寶、邵音音以及蔡瀚億（BabyJohn）接受有線節目《電影蒙太奇》訪問，大談電影《媽咪俠》拍攝點滴及感受。提到寶寶姐淡出銀幕多年，今次她仍然能保持輕鬆開工：「唔再擔心票房問題，你肯請我，我就唔理咁多，每日都去享受個過程。」而她的囝囝啟宗正是《媽咪俠》副導演，不過她強調兒子不喜歡向人提及二人的關係，希望靠自己的實力入行，今次亦是兒子代約自己與導演高志森見面。

寶寶姐與音音姐雖然入行多年皆是影壇資深前輩級別，惟今次才是二人首度合作，音音姐笑言：「寶寶係我哋心目中嘅超級偶像，我好驚要同佢合作，所以初時我拒絕過導演。」今次音音姐更需要與曾江合演夫妻，惟音音姐坦言覺得導演選錯角色畀曾江：「佢一直做總統、將軍、黑社會大佬之類嘅角色，今次要佢做一個畀老婆恰嘅住家小男人，完全唔似佢，但後來發現原來佢做咩似咩，唯一係怕我哋太熟，拍太正經場口時會忍唔住笑。」

另外，BabyJohn在訪問時亦自覺有幸能與兩位前輩合作：「我非常尊敬寶寶姐，我都有睇過佢做嘅戲，覺得佢係香港嘅神級演員。」