網民熱話:48歲美魔女周海媚靚到震

20150521
東網電視
更多新聞短片
海味喺無綫拍過唔少經典電視劇,而且套套收視都唔錯。

近日無綫熱播宮廷劇《武則天》掀起話題,網友除咗話好想睇到原裝版有幾「波濤胸湧」,當然重點都係睇成班女人點樣大鬥法啦!唔少網友特別留意飾演楊淑妃嘅周海媚(海味),佢喺《武則天》入面嘅表現就相當搶鏡,加上佢保養得宜,拍埋眾多靚女中絕不輸蝕!

有網友發起討論話「周海媚真係好正」,對海味進行人肉起底,驚訝咁話原來佢已經48歲!除咗大讚佢美貌十年如一日,絕對係娛樂圈「美魔女」,又指佢演技精湛,能忠能奸,甚至演變態都難佢唔到!大家仲對海味舊作印象深刻,包括喺1991年無綫劇《今生無悔》中飾演沈文薏,有機會與天王黎明談情,而94年內地版《倚天屠龍記》中,佢扮演過周芷若一角,97年無綫劇《大鬧廣昌隆》中,佢就扮演美麗憂怨嘅女鬼小芙蓉。另外,電影方面嘅代表作就有93年《逃學威龍3之龍過雞年》,惡搞荷里活經典電影《本能》,海味飾演外表溫文,但內心扭曲嘅變態兇手,展現海味截然不同嘅一面,更令唔少男士睇完都話怕咗靚女!

網民有話兒:
slnXXX:最like佢部大鬧廣昌隆+今生無悔!
lovebXXX:周海媚+張兆輝 以前佢地(哋)拍過無記民初劇集套叫《情濃大地》好好睇架~
鬼XXX:當年《倚天》做周芷若,仲有《今生無悔》真係靚到震,靚過哂(晒)依家d(啲)複製人樣多多聲
calaXXX:海味保養得好好
xanXXX984:曾經真係n多人嘅女神,87-94個幾年