相隔廿年再去旅行　雪梨同仔女互訴心事

藝人雪梨與阿仔徐偉棟及女兒徐頴堃參與有線節目《帶阿媽去旅行》，雪梨當年生下兩個仔女後交由生活在加拿大的外婆照顧，今次三母子結伴同遊新加坡，尋回失去多年的親情及藉此修補關係。徐偉棟及徐頴堃更首度向媽媽問及父親徐少強的往事。

兩兄妹被誤當情侶

雪梨坦言自己並不了解一對子女：「對上一次三母子一齊去旅行已經係二十年前。咁多年我都無盡媽媽嘅責任照顧佢哋，好遺憾喺佢哋最需要我時，我唔喺佢哋身邊。」，徐偉棟從小就要擔起爸爸的責任，照顧一家。他說：「我同妹妹一直相依為命，感情好好，佢令我有動力做好自己，成為一個好榜樣。有時佢太纏身，朋友都誤會佢係我女朋友！」妹妹徐頴堃則坦言：「唔係好識同媽媽相處，但我唔會因為童年經歷而害怕結婚生仔，相反，我好嚮往結婚生小朋友，更希望將來擁有一個溫暖嘅家庭。」

唔反對仔女加入娛圈

「星二代」背後承受的壓力很大，對於徐偉棟及徐頴堃先後加入娛樂圈，雪梨並不反對。她謂：「我覺得佢哋已經長大，係時候決定自己嘅路，我亦會尊重佢哋嘅決定。當然我會分享好多以前嘅經驗，叮囑佢哋要注意嘅地方。不過今次嘅拍攝中，我睇到佢哋同工作人員相處好融洽，我非常放心。」