网民热话:周笔畅唱广东歌技惊四座

香港時間
2015年05月24日(日) 17:47
东网电视
更多新闻短片
虽然周笔畅系内地歌手,但事实上佢系广东人,所以唱起广东歌上嚟无乜难度。
1/8
《超级女声》出身嘅内地歌手周笔畅,昨晚喺慈善节目上与曾参与《中国好声音》嘅陈乐基,合唱出陈奕迅歌曲《大开眼戒》,网友都惊叹来自北京嘅周笔畅能唱出一口流利广东话,而动人嘅声线亦令人听得津津有味。有网民随即开Post话“周笔畅啲广东话几得吓”,又大赞佢唱功深厚,更夸口话佢K.O.晒节目上所有歌手!
事实上,周笔畅出生于中国广东省,所以识讲广东话毫不出奇。而一直喺北京发展嘅佢,主要唱普通话歌为主,但亦不时喺公开场合演唱广东话歌,如前年于深圳演唱会上唱出经典金曲《少女的祈祷》。当时,已经有唔少网民大赞佢唱广东话比普通话歌更为出色。可能系广东话始终系周笔畅嘅母语,因此往往能够唱出真摰感觉,演绎得更为动人!
其实,周笔畅曾推出过广东话歌《花樽与花》,并诚邀着名作词人林夕填词,但后来先发现自己广东话已大有退步:“录这首歌的时候才发现,我怎么不会说粤语了?粤语歌很难唱,我在北京呆久了。”自此,周笔畅就甚少再推出广东话歌!网友都希望佢快啲练番好母语,甚至嚟香港发展,让香港歌迷一饱耳福!
周笔畅于2005年《超级女声》一唱成名,但被同届嘅歌手李宇春打败,屈居亚军。正当冠军李宇春及季军张靓颖,红到踏上国际舞台时,反而周笔畅却一直喺内地默默耕耘,虽然多次拎过国内嘅最佳女歌手奖,直到去年再爬上《我是歌手2》舞台。不过,长江后浪推前浪,当时周笔畅嘅人气就被初转战内地嘅香港“小巨肺”邓紫棋(G.E.M.)超越,有唔少人都戥极具实力嘅周笔畅相当唔抵!
网民有话儿:
pspxxxer:支持周笔畅出广东碟
Cxx1:粤语歌唱得好好喎,不如黎(嚟)香港发展粤语歌帮下(吓)手啦。
asdxxxoi:周笔畅系(喺)深圳长大的,能讲流利广东话,佢本身系有广东歌的,"花樽与花","不唱"
maxxxnc:笔笔人靓声甜,粤语又准,快出粤语碟!
吃xxx人:少女的祈祷那里(里)几秒停顿​​,哇靠,心都碎了。 。 。
周笔畅同陈乐基对唱《大开眼戒》时广东话字正腔圆,巧犀利呀!
斋睇画面都知周笔畅唱歌时好有感情。
陈奕迅(左图)、林夕(资料图片)
有唔少网民听完周笔畅唱广东歌后,都大赞佢唱功好,又支持佢嚟香港发展。
周笔畅(中)曾经同李宇春(左)、张靓颖争夺2005年《超级女声》三甲。
周笔畅声线比较厚实,而且富有感情,唔系一味得个“嗌”字。
周笔畅曾同G.E.M.(右)喺《我是歌手2》中较量过。