掟百萬美金搞網購　陳琪胡諾言唔輸得！

現年40歲的陳琪一向熱愛網上購物，近日更索性豪擲百萬美元開創網購事業，主攻韓國女裝，並已與當地一些著名品牌達成合作協議。

據悉，其實陳琪一直「禾稈冚珍珠」，家底不錯的她，雙親均有投資生意，而她自己亦有「兼職」充當投資顧問，加上胡諾言登台及二人廣告收入，多年來儲蓄更是相當可觀。

睇近千呎舖位　月租20萬

由於近年韓風直吹亞洲，為了在云云網購生意中成功突圍，陳琪將打正旗號賣正貨，除了每件貨品均向品牌直接入貨外，更設下不滿意退貨服務，並確保貨品獨一無二。目前網站已進入試業階段，初步有40多個韓國牌子可供消費者選擇，稍後更陸續會有新牌子加入。

日前陳琪與胡諾言被發現到九龍塘接幼女放學，再駕車到尖沙咀與一名男子會面，未幾一行三人進入一個正在放租的舖位，陳琪一入內即四圍行仔細研究，又不時與老公密斟，逗留了約20分鐘後，三人再轉往附近餐廳午膳。

現場所見，該舖位面積近千呎，市值租金約20萬，而與陳琪夫婦同行的男子，據知乃某大型網購前高層，未知此行是否與胡氏夫婦傾合作計劃。

試業生意額直升

對於拍板搞網購生意，陳琪接受《東網》電話訪問時說：「因為想多啲時間湊女，拍戲時間唔穩定，試過家長日都要同老公度期邊個去，有同老公呻過，佢就叫我試吓搵啲嘢搞啫！（投資100萬美金喎！）咁唔係一個人畀晒嘅！啲錢係我兩個女嘅教育基金，老公叫我唔好輸晒，所以我都好有壓力！好彩近日試業，都見到生意額一直直線上升。」