我愛發哥 第7集:發哥讚鄭俊弘又叻又捱得

20150526
東網電視
更多新聞短片
連發哥都讚自己捱得,鄭俊弘點會唔感動呀!想知佢有幾激動,梗係要Download《東網巨星》App,睇《我愛發哥》啦!
第七集《我愛發哥》已在《東網》播出,近年捱出頭來的無綫藝員及歌手鄭俊弘(Fred)獲神級影帝周潤發激讚!發哥表示由Fred做茄喱啡時已有留意對方,鼓勵他努力追尋歌手夢,令Fred感動到眼濕濕!
發哥:呢個又係我偶像!
Fred:點解我咁愛發哥係因為《英雄本色》,呢套戲影響我好深,我好記得有一次喺銅鑼灣食飯撞到發哥,當然發哥唔知我係邊個,但我梗係識得發哥啦!我仲O住嘴咁望你,你嘅笑容好親民,仲好似識我咁指住我打招呼,令我個心好甜,更加愛你呀發哥!
發哥:我見到你梗係甜啦!你阿媽見到你就更加甜啦!開心到死啦!有個咁叻嘅仔,其實我睇你喺TVB好耐㗎喇!你又難得可以屈咗咁耐,都係一兩句對白,估唔到行咗第二條路,我好欣賞你手結他,你嘅唱功,你份人,依家你就好啦!簽咗間新公司喇!希望你繼續將音樂理想、演戲理想發揚光大啦!講真,我細個張相同你有啲似,但我當時係陸軍裝。
Fred:你喺《英雄本色》入面嘅Mark哥,究竟角色揣摩過程係點嘅呢?
發哥:其實當時係導演嘅感受,佢係賦予咗角色好多情感上嘅嘢,導演拍得好,自己又係編劇啦!佢係當事人將呢份感覺,將角色嘅冤屈發洩出嚟,其實我只係借導演嘅內心歷程套落Mark哥度,其實我冇做任何嘢㗎!全靠導演,我冇揣摩,佢話晒經過畀我聽,我跟住佢做,就係咁簡單,唔複雜。
感激男神高度關注
獲得發哥關注,喜出望外的Fred久久說不出話來,他感動地說:「正!好多謝發哥你抽時間答我問題,同埋誓估唔到你會留意我拍劇,會留意我小小角色,一句對白兩句對白嗰陣,好多謝發哥你欣賞我,多謝你留意我唱歌、彈結他,我一定會繼續努力,會以你為榜樣,我會做到最好!多謝發哥!」
Fred向發哥致敬:紅到韓國
「2010年韓星宋承憲翻拍自《英雄本色》嘅《無敵者》中重現雙槍形象Mark哥,佢仲戴埋黑超、咬埋火柴,扮足發哥!其實早於2003年,就有一部電影叫《周潤發與蝸牛女》,聽個戲名,就知發哥喺韓國嘅影響力幾大啦!」
請緊記以下步驟:
1.打開《東網巨星》App首頁,點擊置頂欄目「視娛樂」。
2.於「東網電視」頁面選《我愛發哥》,已推出的《我愛發哥》將會全數顯示在頁面中。
《東網巨星》下載
iPhone版本
Android版本