【第一次係...】Bob自爆畀女拮！

林盛斌（Bob）成日都要靠把聲搵食，既要做主持，又要為電台開咪，點知佢竟然不幸失聲，真係陰功豬喇！為咗救番把靚聲，Bob就去咗做針炙，仲要畀個女中醫師拮咗五針！雖然失聲係一件唔開心嘅事，但係由Bob嘅角度睇，竟然變得搞笑，因為佢用咗個「少少咸多多趣」嘅角度講述被拮經過：「咁多年嚟，我拮過唔少女，今次係我人生第一次俾（畀）女拮！阿石敏棋醫師，妳唔好以為妳靚女我唔打妳，其實失聲啫，有冇需要淨係條頸都拮五針呢？手同腳我冇影，費事個女玩我電話唔小心見到嚇親佢！不過，拮完之後把聲好似真係即刻開返（番）少少嘅，算啦，唔打你啦！By the way，今日你捽我嗰度捽得好舒服，嘻嘻！」

洪欣病住開工

而女星洪欣亦同樣中招病咗：「是不是一點都看不出來我在生病，工作的時候就要裝作很精身，其實我在發燒全身酸痛無力，難受死了。」雖然洪欣發住燒，但佢都堅持完成工作，認真敬業！