邵氏女星于楓逝世

前邵氏影星、葉振棠女友于楓，昨晚因病在瑪麗醫院離世。其好友邵音音今日下午亦有在微博上載于楓舊相悼念她，並留言：「這幾張是妳最鍾意嘅相。同大家分享。從十六歲青澀年華⋯我親愛的于楓。」而《東網》記者隨即致電音音姐，她回應表示：「這兩年佢不停飛去台灣治療，我勸佢唔好個個月飛去台灣化療，但是她深信台灣化療好過香港，信心對生命力好緊要，所以我除咗心痛，冇嘢好講，每次經過她家心內都送上祝福『于楓，保重啦。』」

來自台灣的于楓，70年代來港加入邵氏，係當年邵氏最後生嘅女主角，曾參演邵氏多套電影，包括導演李翰祥執導嘅電影《北地胭脂》，加入過亞視同無綫嘅于楓亦曾拍過多套電視劇集。