潘盈慧補習姊妹花顯愛心

無綫娛樂新聞台女主播潘盈慧（阿盈）的母親經營補習社多年，為轉換新環境，最近把坑口的舖位搬到寶琳，日前新舖開張，阿盈專程前來幫忙執拾，透露雖然平日工作繁忙，但也會抽時間到舖頭幫手，更謂：「本身都鍾意小朋友，其實教佢哋係需要耐性，但又好享受，同平時做主播係兩回事。」

阿盈更表示妹妹為補習社校長，教導小朋友時比她更有愛心，問到喜愛室內設計的母親今次可有大顯身手，她謂:「梗係有啦！今次新舖嘅裝修都係媽咪一手包辦，佢依家已經好熟手，裝修完我哋全部人都覺得好靚。」