劉佩玥愛着三點式　曾被救生員搭訕

藝人劉佩玥（Moon）於電視城為無綫節目《姊妹淘》擔任嘉賓。Moon自爆特意以水手裝兼熱褲示人，以配合節目中談及陽光與海灘的話題。她又自認活潑好動，大爆恨與陳凱琳、何雁詩及陳瀅等落水暢泳：「好想快啲落水玩，同佢哋幾個星期冇一齊玩！（唔驚被人偷影？）我哋四個女仔玩之嘛！（着三點式？）我去泳池着一件頭，沙灘可能着兩件頭或三點或加件衫！（唔怕曬黑？）唔怕，我成日曬傷！」

問到Moon有否於沙灘被男仔撩？她自爆曾遇靚仔救生員搭訕：「佢主動同我哋傾偈，好陽光同青春。（鍾意大隻救生員？）佢有佢嘅吸引地方，但我focus喺朋友度！」提到她會否叫埋緋聞男友黃又南到場「傍實」？Moon笑言冇所謂：「成班《殭》班底去玩。（叫埋又南去？）冇所謂，一班人好開心！（同又南咩關係？）冇特別，普通同事，唔好諗太多！（緋聞？）都唔係真嘅！」