楊洛婷被父母催生B：唔會特登避

已為人妻的藝人楊洛婷為活動擔任司儀時，被問到她和丈夫兼樂隊Dear Jane主音Tim是否努力造人？她說：「係㗎，之前日日都好努力，不過最近大家都要飛，我去旅行，佢就去工幹，一年只係得12次機會，愈嚟愈錯過得多，大家都忙住工作。我5月頭先同朋友去完泰國返嚟。（泰國有預言南部6、7月會有大海嘯？）我知，我爹地媽咪都有叫我唔好去，不過我係5月頭去。（奶奶急唔急要抱孫？）奶奶唔急，反而係我爹哋媽咪急。我啲朋友話通常啲人大肚之前嗰年會係咁去旅行，話我都係咁樣，又問我係咪有咗但驚小氣唔講得，我真係冇。嚟緊工作都好忙，今年啲job已經排到12月中，啲客叫我今年唔好有住。我會順其自然，唔會特登避，一年只係得12次機會已經錯過咗幾個，不過都唔會畀壓力自己。」