網民熱話：暖男李光洙變身做土豪！

韓星OPPA李光洙早前「進擊」香港，令全城陷入瘋狂狀態，更有女粉絲「死守」挽住光洙隻手唔放，令場面熱鬧又混亂！其實光洙人氣有幾勁就不必再多講，而早前佢同「女神」魯芬一齊拍嘅廣告就令佢可愛、搞笑嘅形象更深入民心，而今次佢仲以一個全新土豪LOOK拍飲品廣告o添呀！

反應有讚有彈

而OPPA今次呢個中國飲品廣告同上次孖住魯芬拍嘅廣告，有一個共通點，就係一樣夾雜住兩種唔同嘅語言，而唔同嘅就係佢由之前嘅得意暖男搖身一變，做咗西裝土豪！廣告一出，即有粉絲大讚光洙扮咩似咩，好有土豪感覺：「長頸鹿真係適合這種土豪感覺～」更有人話光洙其實係內地嘅知名度不比G-Dragon低：「喺大陸嘅知名度其實與GD不相伯仲。」

但對於呢個半中文半韓文嘅廣告，就有網民話聽到好亂，仲留言話唔知自己睇緊咩，更有粉絲對呢個廣告好失望，仲話覺得係拍攝手法令廣告傳出陣陣娘味！

網民有話兒：

kexxxxx：長頸鹿真係適合這種土豪感覺～

yi3333xx：一半韓文一半中文 我到底睇緊咩？

chan siu xxx：係（喺）大陸既（嘅）知名度其實與GD不相百中（伯仲）