【太陽好曬】田蕊妮杜汶澤結婚10年網上示愛

藝人田蕊妮與老公杜汶澤自2005年結婚至今，經歷過唔少風風雨雨，2012年杜汶澤患上香港極罕有病症米勒費雪症候群，急需停工休養，幸得田蕊妮一齊共同面對，對佢悉心照料。而杜汶澤近年亦拍過唔少情慾戲，難得田蕊妮唔介意，兩公婆婚後共同攜手排除萬難，今年終於到咗佢哋結婚十周年啦！

田蕊妮即喺社交網上貼上同老公嘅甜蜜合照，留言話：「百年修得同船渡，千年修得共枕眠，我不知道，我們已在一起幾多千年，但起碼在這千年的基礎上又加上十年了。願我倆能保持着那顆幼稚的心，活到頭髮白了，骨頭鬆了時都能拍張這樣的照片為我們的結婚週（周）年作紀念。十週（周）年快樂！要天天分分秒秒都快樂啊（呀）！」呢對模範夫妻真係幾時都咁sweet嘅！