邱淑貞澄清:冇追仔冇大肚

20150608
東網電視
更多新聞短片
豆斗(左)咁Fit,又真係唔似有咗。

息影多年的邱淑貞(豆斗)偕同老公沈嘉偉現身賀梁朝偉授勳,她主動向記者澄清懷孕之說:「話我老公畀壓力我,佢好可憐囉,佢冇咁做,我老爺奶奶都好好,冇啲咁嘅事。依家科學咁倡明,要搞(追仔)頭一、兩胎都搞咗啦。我冇BB,可能係大家見到我肥咗先提醒我減肥啫。」豆斗又謂自己不夠時間用,擔心忽略女兒們:「大嗰個青春期喇,要多啲同佢傾吓偈,依家唔做,驚佢第時咩都唔同我哋講呀。」

另外,曾志偉到場時,搞笑地反問記者:「偉仔其實攞咩獎?(送咩畀佢?)佢送番畀我哋就真,我哋嚟賀佢喎。(嘉玲話偉仔係香港嘅資產。)佢真係『剷』喇!」忍得滿堂大笑。談到日前於嘉玲晚宴上大醉,他繼續發揮幽默本色謂:「我嗰晚冇返到屋企,喺車上瞓到朝早7點。呢幾晚都有應酬,希望偉仔今晚請食『多舊魚』唔使飲啦。」