劉燕妮退選港姐做打女

影壇新人劉燕妮（Rika）曾參選港姐，與2013年港姐冠軍陳凱琳同年參選，但中途退選，最近她以電影界新人身份重返娛圈，並以打女為目標。

原來Rika擅長泰拳，更能輕鬆做出一字馬、側手翻等動作，她說：「我對自己嘅身手有信心，得閒就會去公園用單槓做吓健身同體操練習，鍛煉肌肉同平衡力，裝備好自己。」

與Rika同屆的港姐三甲陳凱琳、蔡思貝及劉佩玥均人氣旺盛，問否後悔當年退選？Rika對自己信心十足：「其實我都有諗過如果我冇退選，依家係咪都會好似佢哋咁。不過我依家都好好，佢哋做到，我都一定做到！」

望與好對手合作

另外，提到《東網》日前撞破陳凱琳與鄭嘉穎約會，Rika稱沒有向對方八卦，她說：「我冇問呀！等有好消息先恭喜佢啦！不過見到佢哋啲相都覺得佢哋好合拍，我都好期待將來都有啲好嘅對手合作。」至於Rika目前的感情生活則一片空白，但她不排除會與圈中人拍拖。