林嘉華分享由警員轉戰幕前心聲

藝人林嘉華與太太劉寶珍雙雙現身節目，與主持剖白由警員轉投演員的經過。嘉華坦言當年只是抱住一試無妨的心態：「當年後生無敵，曾經三次被掘角，眼見合約條款唔錯，家人又支持，我就去試吓，無諗過會成為終生職業。」

他憶述入行初期有很多不適應的地方，幸好警隊的訓練幫助他不少。問飾演警察角色是否駕輕就熟？嘉華直言：「真實警察同電影中嘅警察有好大分別，例如卧底和黑警，現實中唔會咁容易被你看穿。有時電影為咗加強效果，會有槍林彈雨、打不死嘅場面，呢啲都唔係現實。」

當嘉華的事業發展如日方中之際，他毅然放棄事業移居加拿大。與太太劉寶珍結婚三十載，二人形影不離，是圈中的模範夫婦。劉寶珍表示：「嘉華好重視家庭，當年曾因為唔想同家人分隔異地而拒絕回港拍戲，但我知道佢心入面好鍾意拍戲，於是我鼓勵佢、畀信心佢再次回港。」她更大讚丈夫是個「絕世好男人」，作為丈夫、父親都無可挑剔。