【自認大懵】龍小菌涉高買案:係我疏忽

20150612
東網電視
更多新聞短片
龍小菌交代事發經過,並承認是自己的疏忽。

現年廿六歲的歌手龍小菌曾任職中學老師,出道時憑蒙面形象「賣聲不賣樣」成功突圍。她涉嫌在鰂魚涌一間百貨公司超市內,在未付款情況下帶走店內五包總值約一百二十元的生果及蔬菜,被一名便衣保安上前截停並報警處理。她被帶到柴灣警署接受調查約七小時,至凌晨一時許已獲准保釋候查,需於七月上旬返警署報到。

龍小菌步出警署時,由經理人邵子風陪同下向記者親述事發經過。她接受《東網》訪問時說:「成件事經過係早幾日作感冒,個人『吽吽哋』,中午十二點左右去咗打拳,打到三點幾,跟住去咗超市買嘢,買咗啲滷水嘢食,畀完錢之後等佢哋整番熱,咁就去咗買啲菜做晚餐,之後返去滷水店,所有嘢放喺手推車,咁就行咗出去,之後有便衣職員截停我話有啲嘢未畀錢。」問到職員有否聽她解釋?龍小菌說:「佢哋冇聽,直接帶咗我去保安室,跟住就報警。」她否認被鎖上手扣帶署,但指有女警拖着她離開。

問龍小菌心情如何?她語帶輕鬆地稱:「我冇緊張,不過我啲朋友就好緊張,仲話我咁大懵,估到我會發生咁樣嘅事。(有冇落charge?)我都唔知,冇問,不過之後會再返警署。(可以出境?)我都唔知,冇問清楚。(搵律師?)原本我唔想搵,不過我家人叫我搵。(有冇發生過類似事件?)大懵事一定有,但唔記得畀錢係第一次。」

飛車撇傳媒

龍小菌接受完訪問後,與邵子風一同登上七人車離開,邵子風女友蝦頭亦在車上,另車上有一男一女友人,該女友人腹部微隆,疑有身孕,但七人車為撇記者仍罔顧安全高速前進,時速更達一百公里。駛經元朗八鄉時,男女友人落車,一度嘗試阻止記者繼續追訪,最後七人車駛到牛頭角一住宅,由一名男士接龍小菌入內,之後見停車場駛出一輛寶馬,龍小菌坐在坐頭位置,火速離開。

《東網》之後又致電龍小菌詢問情況,她表示多謝大家關心:「因為喺警察局嗰度搞咗好耐,都好攰,我再去睇醫生,醫生都話我係流行性感冒,咁我會休息下啦。但發生呢件事,都覺得係自己疏忽嘅,亦都覺得保安員都係盡佢自己嘅職責……當然係一件唔愉快嘅事啦,但係自己都會將件事嘅實情如實地去話畀大家聽,所以希望大家都唔需要擔心我。」