【醜態被拍】G.E.M.任人魚肉冇得還手

歌手鄧紫棋（G.E.M.）近期長期做空中飛人，不時去到唔同地方開演唱會，早前又同前輩曾志偉、楊千嬅同丁子高等人去到澳洲拍攝節目《極速前進2》，閱歷多多，不過事實上佢只係一個23歲嘅女仔，間唔中都會有啲傻事發生喺佢身上，好似呢日佢喺車上食嘢食到成身菜卻懵然不知，仲要畀人影低都無力反抗，G.E.M.喺微博話：「專注開車的定義是，完全沒發現自己開車前吃東西吃到滿身菜，直到旁邊的乘客公然取笑然後公然拍照為證，而自己卻完全沒空反抗只能任人魚肉……」雖然G.E.M.今次真係幾瘀吓，不過佢咁注意交通安全，都值得讚賞啲！