勁有愛心！關詠荷親陪病童做斜視矯正手術

藝人關詠荷（Esther）首次擔任「奧比斯兒童大使」，早前更親赴山東臨沂進行四天三夜救盲探訪，Esther走到落後山區，探訪眼疾病童的父母，又首次走進手術室，見證長達30分鐘的斜視手術，充滿母愛的她陪伴小病人進行眼科手術，緊握着病童小手同步邁向光明。

燃起使命感

Esther談到陪伴4歲小病人寧馨進行斜視矯正手術，她說：「本來我入手術室前，都好冷靜，但由於呢個小病人比同齡較為肥胖，而大部分嘅小兒眼科手術都需要喺全麻醉狀態下進行。因此，為確保注射劑量準確，小寧馨需分幾次接受，期間佢偶然出現半甦醒反應，我好緊張，除咗緊緊地捉住佢隻手，畀鼓勵佢外，我心裏頭都湧起咗一股強烈使命感。因為既然呢個小女孩對我咁信任，一開始已經拖住我隻手一齊入手術室，咁我帶得佢入去，一定要帶返佢出去！」結果，手術順利完成，Esther鬆了口氣，臨走前亦遵守承諾，將一盒朱古力放在寧馨的病床側，待她醒後即可吃到心愛的朱古力。

探訪貧窮小童感心酸

Esther此行又探望了只有2歲大的韓相霖，看到相霖一家的貧窮處境，令她感到心酸：「當我親眼見到患有先天性白內障及眼球震顫嘅相霖，情況比我想像中嚴重好多，睇見年紀小小嘅佢，需要接受多次眼科手術，絕對感受到佢哋嘅擔心同無奈。最令我心酸嘅係當我將由香港帶過嚟嘅玩具同衣服送畀佢哋嘅時候，嗰位媽媽即時激動落淚，差啲想跪低答謝。嗰一刻我不知所措，只知道人係需要互相幫助，今日我幫咗佢，聽日希望佢都有能力可以幫其他人。」

將探訪故事傳達予女兒

Esther透露此行受女兒所託，將她心愛的玩具及毛公仔送給家訪中遇到的小朋友，希望藉此小禮物分享一點心意，Esther亦將此行探訪過的復明故事組織成故事與女兒分享，她說：「當我哋遇到困難嘅時候，一定要堅持先會有希望，只要有愛，就會有力量跨過重重難關。」