面試即場除衫都得？袁嘉敏填履歷Sell身材好

藝人袁嘉敏亮相now TV 102觀星台節目《娛樂審死官》，接受主持梁思浩訪問，袁嘉敏在2009年度競選香港小姐獲最上鏡小姐，提到在電影《鴨王》中的露點演出，她苦笑說：「大家嘅重點都放喺今年年頭推出嘅三級片《鴨王》，以為呢套係我第一首次嘅脫戲，其實我離開無綫後，拍嘅第一部戲係《竊聽風雲3》，喺戲中我同古天樂有床戲，當時電影公司想我喺鏡頭前背部全裸，於是我只貼乳貼上陣，觀眾睇唔到嘅鏡頭下，我真係付出咗好多！」

她又坦言電影圈競爭十分大，她說：「每次電影選角面試都唔會有人注意到我，於是後來每次面試叫我填履歷表寫四、五項專長，我第一項就寫『身材爆好、超好』，然後加個哈哈笑公仔！可能香港真係好少女生夠膽白紙黑字Sell自己身材，所以引起咗電影公司同導演嘅注意。」問到有否試過被要求當場驗證身材是否真如她所寫般「爆好、超好」，她說：「假若有導演即時要我脫去衣服睇身材，我一定會查明係咪真係有咁樣嘅一部戲喺度籌備緊，我先考慮係咪即場除衫。其實以前做主持時，有工作人員不停話我胸部太澎湃分散咗注意力，結果嗰段日子我都係『寒背』做人，後尾我至真真正正挺起胸膛做人。」