馮寶寶學識寬恕別人：痛恨係冇必要

藝人馮寶寶接受電台訪問，馮寶寶於16歲時揭發馮峰不是親生爸爸兼輸去她的片酬，令她傷透心獨自走到倫敦求學，並在當地認識從事金融業的首任丈夫招再強，兩人於1977年拉埋天窗，之後誕下兩名仔仔，可惜馮寶寶最終與丈夫離婚收場，有傳因馮寶寶難忍丈夫欠債，由於失去兩子撫養權，大受打擊的馮寶寶兩度萌生自殺念頭，最後食了18年抗抑鬱藥控制病情，對此馮寶寶說：「我係曾經企圖自殺，之後患上抑鬱症，可能因當時啱啱同丈夫離婚，好似世上冇一樣嘢係屬於我，兒子不是我的，我覺得自己一無所有。」

因信仰變得樂觀

馮寶寶坦言信仰除令她走出人生谷底，更令她變得積極樂觀，對於馮峰及曾經傷害過她的人，馮寶寶表示會以耶穌基督為榜樣，學懂寬恕別人，她說：「成為基督徒後，學會用唔同角度睇事情，除咗學寬恕，亦會感恩，能遇到呢啲人，令我上咗一課，提醒我下次唔好再咁愚笨，我仲會感謝天父，原來我仲有空間成長。（依家全冇恨意？) 嬲怒總會有，不過，嬲怒只係剎那間嘅情緒，要痛恨別人，真係冇呢個必要。」