吳少芳寫歌自我滿足　唔想刻意商業化

昔日樂壇組合Face To Face成員吳少芳出席慈善音樂會酒會，提到上次記者會演唱自己的創作歌時感觸落淚，問今晚會否怕再落淚？她說：「唔會，係諗起會感觸，上次都冇諗過喊，因為好醜怪，我係好易感動，好似有時搭車喊，細妹揸緊車會話我冇手幫你抹眼淚，或者見我流少少，會話我流夠未。」不過她指那些不是傷心的眼淚，問有否因而嚇怕男生？她笑言男生應該不懂如何哄哭的女生，而妹妹對自己常哭亦習以為常。

問到她會否再出碟？她坦言較喜歡寫歌：「我只係鍾意寫歌。（寫畀新晉歌手？）有人要緊係開心，但作歌唔易，我鍾意抒發感情，但要令大家接受冇咁叻，我中文水平低。」那麼會否與舊拍擋再出歌？她說對方經常叫自己寫歌，但她喜歡將作品分享而非刻意商業化：「我有放歌上網share，好似之前好鍾意《來自星星的你》，有將啲歌寫做中文歌詞，我都同人講喺公開場合唱到自己嘅歌好開心。」