關詠荷大陸野外如廁　昆蟲滿布勁震撼！

藝人關詠荷（Esther）於將軍澳出席護眼活動，Esther透露日前以大使身份到四川探訪眼疾病童四日，問到她出門數日會否掛念女兒？Esther大爆曾打算帶囡囡同行：「個女大個喇，我有諗過帶佢去，但佢應該未ready。」她又稱於當地要野外如廁，更被昆蟲「嚇餐飽」：「環境好震撼，自己以往拍劇對於野外如廁都手都拿來，但都被途中油站廁所嚇親，因為滿布昆蟲，帶個女去可能嚇死佢！」而Esther提到父親節將食飯慶祝，而她跟女兒更會為老公張家輝準備神秘禮物。

談及好拍檔歐陽震華（Bobby）與無綫傾妥續約一事，Esther坦言一直緊貼事態發展：「有追嚟睇，但唔明點解要開會傾，續咗咁多年佢好了解公司情況，公司亦了解Bobby，就算我（與無綫傾合作）嘅話都會係電話傾。」

提及亞視表示成功賣盤，她直指這是開心事，又表示不介意為亞視拍劇：「ok呀，要睇劇本，同畀時間亞視運作。（酬勞唔是首要問題？）有一個價，但我唔會開天價，以角色同劇本行先。」