黃智賢陪老婆買鞋晒恩愛

藝人黃智賢拖老婆到中環行街，約傍晚六時許，兩公婆全程翹到實非常恩愛。二人步入名店後，老婆顯得好雀躍，左揀右揀，一共試了三、四對鞋，而黃智賢則托頭擺出一副悶樣，不時低頭撳電話打發時間，但每當老婆問他意見時，他即放下手機抬頭給予意見。

黃智賢等老婆揀鞋再揀埋衫，最後終於揀咗一大袋，老婆仲急不及待立即着住新鞋行街街，而黃智賢則自動自覺拎銀包幫老婆埋單，一個廿四孝老公就係咁喇！之後做「阿四」獨自揹住一大袋戰利品離開，老婆當然笑晒啦！之後兩公婆繼續享受二人世界。