15年來冇鬧交　阿嬌：鬧交Twins就會散

組合Twins早前接受新城電台《寂寞留聲群》節目主持艾力的專訪，艾力直言儘管蔡卓妍（阿Sa）、鍾欣潼（阿嬌）近年都主力獨自工作，但只要二人合體，「Twins」這個名字總會令80後的樂迷十分期待。

Twins表示選擇今年再度合體，純粹因為眼見近年香港充斥很多負能量，想用Twins的快樂氣氛為香港人打氣，阿Sa笑指：「阿嬌的笑點真係好低，人哋可能以為我每日塞五百蚊畀佢，日日走埋一齊都可以咩都笑一餐！」

回望入行15年，阿Sa、阿嬌表示對彼此感覺都沒變過：「當然做嘢方面大家都成熟咗，但喺彼此眼中，對方都仍然係15年前認識嘅嗰個人。」阿Sa指二人感情很好，遇上任何難題，甚至流言攻擊都會跟對方傾訴，所以二人心裏從沒存在芥蒂：「Twins從來冇諗過要解散，其實我唔係迷信嘅人，但以前試過一次去求簽，簽文上話我跟阿嬌係一段註定一齊嘅緣份，過程上會發生好多經歷，但最後都會走埋一齊，係會Happy Ending。」

阿嬌直指這十五年來雖然沒鬧過交，但有試過冷戰：「我好清楚大家一鬧交，Twins就會散，所以大家都會忍住自己啲脾氣。」艾力問到拍拖難還是做姊妹難？二人齊聲表示：「拍拖難！」阿嬌認為始終情侶之間都不能事事盡說，但姊妹就可以。阿Sa則認為遇上一個有共同夢想、共同目標的人不易，會好好珍惜跟阿嬌這段緣份。