葉璇上海外灘當街激吻戀情曝光

20150618
東網電視
更多新聞短片
葉璇(左下)同「小默先生」(右下)喺上海外灘十指緊扣,跟住旁若無人當街激吻,戀情曝光。

早前葉璇同莫小棋及一班朋友去上海外灘度聚會,諗住去某餐廳飲杯嘢傾吓偈,點知就畀侍應留難,質疑葉璇一班人每人六百元一個主菜畀唔畀得起?葉璇即時嬲爆拂袖而去,仲喺微博度呻話畀人睇低,原來之後仲有爆炸嘢,成班人轉場食完嘢之後,葉璇同其中一位同行男士夜遊外灘,起初都係手拖手喁喁細語,之後佢哋演變到旁若無人攬腰搭膊頭談心,情到濃時佢哋更懶理同行友人及途人目光當街親吻,有外籍遊客好奇咁望住佢哋,但從莫小棋及同行友人見慣不怪嘅態度,相信葉璇新戀情已經有一段時間,亦不介意向友人公開。

微博傳情

在葉璇的微博中不時發現該男士的身影,稱呼為「小默先生」的男士曾誤傳為莫小棋的男友,葉璇即時緊張澄清並表示:「鄭重聲明:小默先生不是莫小棋的男朋友!由於莫小棋的審美眼光有問題,她一直覺得小默先生很不帥!」而「小默先生」亦經常在微博與葉璇互動晒恩愛,更公然大讚葉璇為「來自內心最美的微笑」。