網民熱話:「叮噹」新配音員意見好壞參半
20150618
東網電視
更多新聞短片
![](/hk/bkn/cnt/entertainment/20150618/photo/bkn-20150618200930341-0618_00862_001_01p.jpg?20150618225518)
唔知你聽完又覺得點呢?
陪伴大家超過30年,為經典角色「叮噹」(現譯多啦A夢)配音的資深配音員林保全於今年1月逝世,令大家無緣再聽到林保全為「叮噹」聲演,不過,無綫日前播放咗叮噹劇場版嘅宣傳片,新嘅「叮噹」配音亦誕生,佢就係2012加入年無綫配音組嘅黃昕瑜。
網民見到「叮噹」出現咗新嘅配音,都對呢位現年26歲嘅黃昕瑜有唔同意見。黃昕瑜除咗曾為多套卡通片嘅角色配音,好似《星夢學園》及《寶石寵物IV》,仲因為幫苟芸慧配音劇集《情逆三世緣》而引起人留意。雖然黃昕瑜把聲既清脆又甜美,但係大家聽咗咁多年「叮噹」把男仔聲,突然間變咗把女仔聲,唔少網民都大叫好唔慣,一時間接受唔到把新聲,更有網民睇完條宣傳片後,覺得大雄同「叮噹」把聲好似,怕之後睇「叮噹」聽對白嗰陣會分唔到究竟大雄定「叮噹」講緊嘢。
不過,網民亦唔係一面倒unlike黃昕瑜為「叮噹」配音嘅。有網民就讚佢把聲夠晒清新,又有人話日本版叮噹一直都係由女配音員為「叮噹」配音,依家香港都用女聲配音,可以更貼近日本版!
點都好,要大家接受「叮噹」變聲又真係需要啲時間嘅,慢慢嚟啦!
網民有話兒
Waxxxx Wxxx:並唔係話新嘅配音唔好,但真係需要一段時間比觀眾去接受。叮噹又好,多啦A夢又好,始終係幾代人嘅共同回憶。
Anxx Cxxxg:新的聲音都好清新好聽啊!
Lxxxa Lxx:一路聽新聲,腦海一路響舊聲....
Ixxxc Kxxn:保全叔無可代替
Jaxxn Hx Lxi:聲變左女仔,仲有演譯方法完全唔同哂...